猶豫的筆跡

近來發生很多事，想起很多人，勾起很多的回憶。其實，我應該是靈感澎湃的。可是，每每寫到一半，便覺得文筆有礙，寫不下去，有一點對自己不忠的感覺。

喇叭播放著eason的歌，突然之間，想起eason的一隻碟，想起碟內的幾段獨白，想分享給各位。

游移的傷口
我第四個女朋友終於飛o左我呀﹗

又係﹗我係送pizza o既﹗講真啦，我已經無咩感覺。我淨係識得做呢樣o野，就好似依家，用最短o既時間將個餅送o黎比人。

點知 Lift 門打開，我見個女仔"mou" o係度執緊衫同o的化妝品，望我一眼，似係同自己o係度講：「真係咁快?!」跟住就"羅"o左盒pizza 坐o左響個o急上面食，咬o左啖，就笑住同我講：「仲好熱o架! 好好食呀!」開心到有o的唔好意思。

夜晚十一點幾，我楂返電單車走，但係仲記住果個女仔，笑住同我講「唔該」果陣，一滴黑色o既眼淚流落塊臉上面。

我諗，我知果種就係咩都冇晒o既感覺。

地獄咒
無人會諗過我地會分開o架﹗原因？我唔介意講第 28 次o既……

o係果日睇完戲，係講一對夫婦死o左。原本上天堂o既老公，點都要落地獄搵返o個老婆。行出戲院，佢就問：「如果o係地獄，我會唔會一樣唔理咁多去 ?」

當時我只係望實，唔識答。結果？梗係好唔開心啦。第二日啦，我地平時一樣一齊返工、食 lunch，然後又等埋我放工。但係我好驚呀，因為o的感覺已經唔同晒啦。到第四日，我終於都同講：「我地要分手呀!」

好似有o左絕症，聽我講落去，我話：「果日你咪問我會唔會落地獄搵你o既？於是我問：『我地已經日日一齊對住啦，如果係要落地獄，點會係你去o者？』然後我就知，我地根本唔係o係一齊……」

做咩呀?唔明呀?唔緊要﹗你同我，仲有好多人都唔明。

天一半 地一半
以前o係學校，睇住你打波，我地好近；後尾你同屋企人要去西班牙啦，我地又好遠；到我幫亞Ben寄結婚咭比你，收到你o既e-mail，我又覺得近返啦；你返o左o黎觀禮，我地見面模糊到只系講o左聲「Hi!」，我地簡直系兩個世界咁遠；成班人送你機果日呢，我?緊車。你同我講返我讀書果陣時又瘦又土，我發現我對你原來系近o架﹗

一次巧合，四個人一齊o黎 Barcelona 渡假兼探你。點知玩到第四日，你先話聽日要過去 Madrid 讀書呀。就o係果一秒，我竟然唔捨得你要去咁遠。朝頭早六點，你要去機場，外面開始落雪。我終於忍唔住講：「比我同你一齊去啦!」

你傻o左唔識答o既樣，令我猶豫。但係，我知今次如果唔講，我呢一世都唔會再提啦。

飛返o黎香港，帶住你比我o既頸巾，我先明兜轉o左咁多年，飛過半個地球咁遠，都只係要我儲夠能量去同你講：「我愛你!」

回絕
兩年前，我決定寫封信比你。我連埋札花送去你屋企，你家姐望住我，同望住個傻佬係無分別。知道o既人都好唔信依家仲有人會咁做，但係結婚既然都有証書，點解鐘意人果種咁特別o既感覺，唔可以記低呢？

結果我等到第三日，你先話比我聽原來你病o左，你無提果札花同封信，但係我覺得你已經接受o左，你係我o既女朋友呀﹗﹗

呢段日子，自問都幾開心。但係估唔到當我收到你第一封信，先發覺你等到今日你先覆我當日o既信。兩年前o係信入面，我希望你會比機會我。點知，要到今日你先話：「我地根本係無機會!」